Eusko Jaurlaritzako Enplegu eta Gizarte Politiketako Sailak, Etxebizitzako Behatokiaren bitartez, «ETXEBIZITZA HUTSEN MOBILIZAZIOA» jardunaldia antolatu zuen 2014ko urriaren 9an, Bilboko Itsas Museoan.
Etxebizitza eskuratzeko zailtasunaren jakitun, Euskadiko etxebizitza hutsak mobilizatu eta murrizteari buruzkoa izango da Eusko jaurlaritzak egindako 2013-2016rako Etxebizitzaren Plan Zuzentzailearen ardatz estrategikoetako bat.
Jardunaldiak Euskadin aplika daitezkeen jardunbide egokiak zehaztea izan zuen helburu nagusi. Eta horretarako funtsezkoa izan zen beste herri-administrazio batzuen esperientzia praktikoak bertatik bertara ezagutzea, hala Estatuan nola nazioartean, politika publiko berriak zein horiek bultzatzeko neurriak abian jartzeko.
Horrez gain, Bilbon arlo horretako adituak egotea baliagarria izan daiteke alderdi interesgarrienetan sakontzeko eta, lankidetzan eta ezagutza elkarri trukatuz, etxebizitza hutsari eta horren arazoari hainbat ikuspegitatik heldu ahal izateko.
