Europako AGREE proiektuak (www.agree.basquecountry.eu), Eusko Jaurlaritzako Etxebizitza Sailak koordinatuta, bizitegi-eraikin pribatuen multzoen birgaitze energetikorako inbertsioak sustatzea du helburu. Horretarako, eskaria aktibatzeko eta gehitzeko mekanismo berritzaileen garapena eta hedapena, gobernantza hobea eta finantzaketa-soluzio pertsonalizatuak baliatzen dira. Proiektua Euskal Autonomia Erkidegoko hiru kasu piloturen bidez garatzen da (Donostia, Vitoria-Gasteiz eta Basauri).
Proiektu honen baitan, 2020ko otsailaren 13an tailer bat antolatu dugu IHOBEren Bilboko Auditoriumean (Alda, Urkixo Zumarkalea, 36), bi saiotan banatuta:
09:30 – 10:00 AGREE jasotzea eta aurkeztea
1. SAIOA
10:00 – 11:30: Auzo mailan gauzatutako birgaitze energetikoko esperientzia berritzaileen aurkezpena
- Santa Coloma de Gramenet. Proiektua: Berritu ditzagun auzoak. Jordi Mas Herrero
- HOLA DOMUS (Europace). Davide Canarozzi
- Esku-hartze Globaleko Proiektuak (PIGs)_Nasuvinsa. Isabel Izcue
- Eibar udalerriko Mogel auzoa birgaitzeko proiektua. Esther Zarrabeitia
11:30 – 12:00 Kaferako atsedenaldia
2. SAIOA
12:00 – 14:00: Erronkak eta aukerak identifikatzeko tailerra
Esperientziak trukatzeko saioaren ondoren, dinamika bat egingo da hainbat eragilerekin birgaitze energetikoa sustatzeko oztopoak eta aukerak identifikatzeko.
Gonbidatuen profila honako hau da: birgaitzeko hirigintza sozietateak, finka-administratzaileak, administrazio publikoak, sektore pribatua (birgaitze sektoreko enpresak), 30 pertsona inguru, gehienez ere, aldi berean bi taldetan lan egingo dutenak:
- Gobernantza, komunikazioa eta kudeaketa-protokoloak: leihatila bakarra, energia-enbaxadoreak, etab.
- Eskaera gehitzeko antolaketa-prozedurak
Bateratze-lanaren eta taldeen arteko ekarpen gurutzatuen amaierako osoko bilera, laburpena eta amaiera.
Horregatik, zure parte-hartze aktiboa izan nahiko genuke 2. saioan, eta zure presentzia 1. saioan. Horretarako, ondoren emango dizugun estekan eman behar duzu izena, eta baieztapen-mezu bat bidaliko dizugu.
