Montrealgo DPHNB kongresuan, EEBk “Eusko Jaurlaritzako etxebizitzaren politika publikoko berrikuntza soziala. Herritarrek parte hartzeko eta beraiekin komunikatzeko modu berriak” proiektua aurkeztuko du. Demokrazia Parte-Hartzailearen Nazioarteko Behatokia (DPHNB) munduko 600tik gorako hiri, entitate, erakunde eta ikerketa-zentroen arteko sarea da. Horren bidez, hiriak gobernatzeko toki-esparruko demokrazia parte-hartzailearen inguruko esperientziak ezagutu, trukatu eta aplikatu nahi dituzte. 2017ko konferentziako jarduerak “bazterkeriarik gabeko parte-hartzea ” gaiaren ingurukoak eta ekainaren 16tik 19ra artekoak izango dira. EEBk jasotako 95 proposamenen artean aukeratutako proiektua aurkeztu zuen. Proiektu hori Eusko Jaurlaritzako etxebizitzaren politikaren inguruko gardentasun, parte-hartze eta ebaluazio sistematikorako proiektutzat jotzen da eta Administrazioan diren mekanismo berritzaileak baliatuz gauzatuko da, hau da, etxebizitzaren politika publikoen baterako sorkuntzako berrikuntza sozialaren bidez.
Honako hiru azpiproiektu hauen bidez gauzatuko da:
- Parte hartzeko eta komunikatzeko web-plataforma egonkorra: topagunea izateko eta politikak herritarren, profesionalen eta akademikoen artean eztabaidatzeko eta diseinatzeko; bertan, lankidetza-sareak finkatuko dira.
- Etxebizitzaren arloko jardun-lerroak kudeatzeko Big Data; horiek erabakiak modu arduratsuan hartzen lagunduko dute.
- Interneteko entzuketa aktiboa, etxebizitzaren arloko intereseko gaietan.
