Hiri-errentamenduen 1994ko Legea noiz aldatuko zain egon dira bai errentatzaileak bai errentariak; izan ere, lege horrek alokairu-merkatuko oinarrizko esparru arautzailea izaten segitzen du , eta hainbat aldaketa egiten ari zaizkio, alokairuko etxebizitzen merkatua erabat suspertzeko tekla zehatza bilatu nahian. Orain, berriro eragin behar zaio azkoinari.
Eusko Jaurlaritzak 3 milioi pisu huts mugitu nahi ditu; izan ere, eskaintza handiegia da, eta eskatzaileak ez dira gai jabetzaren bidez etxebizitzarik lortzeko. Espainian, 25 milioi etxebizitzako parkea dago: 2001etik lau milioi gehiago dira, baina 1,8 milioi baino ez daude alokatuta.
Alokairu-merkatua mugitzeko, Etxebizitzak alokatzeko merkatua malgutu eta sustatzeko neurriei buruzko lege-aurreproiektuan helburu batzuk proposatu dira:
Alokairuko merkatua malgutzea, merkatu hori dinamizatzeko.
- Segurtasun juridikoa sendotzea
- Etxebizitza uztarazteko prozedura arautzeko modua hobetzea.
- Zerga-pizgarriak ezartzea
Besteak beste, ugazabak behar izanez gero, etxebizitza berriro erabili ahal izan dezan jarri den neurri “izarra” nabarmendu behar da: hilabete lehenago jakinarazi beharko dio maizterrari, baina harekin ezer hitzartu behar izan gabe. Horrek segurtasun falta handia sortu ahal du errentarian, bere burua “etxebizitza uztera” behartuta ikusi ahal duelako, hilabete lehenago jakinarazita.
Eta, beste alde batetik, maizterrari ere etxebizitza uzteko aukera ere ematen zaio, hilabete lehenago abisatuta, eta kontratuko epeak bete barik.
Gainera, errentamendu-kontratuak luzatzeko finkatutako epeak ere erdira murrizten dira, bost urtetik hirura murriztu ere; adierazi gabeko luzapena, berriz, hiru urtetik urtebetera pasatzen da.
Horrela, legeak bakarrik babestuko ditu maizterrak etxebizitzan lau urtean egon daitezen, eta ez zortzian.
Era horretako jarduketek maizterren segurtasuna eta gizarte-egonkortasuna mugatzen dute, bere burua oso epe laburrean ikusi ahal dute-eta kalean. Bestalde, ez du zentzurik kontratuaren denboraldia mugatzeak, baldin eta gero hura edozein momentutan eteteko aukera ematen bada.
Segurtasun juridikoari dagokionez, ikusi egin beharko da errentariarentzako bermeak behar beste babesten diren; izan ere, kontratuak eperik gabe sinatzeak ez du ematen, a priori, egokia denik alokairua sustatzeko.
Zenbait aditu arautegi berri horren kontra azaldu dira, higiezinen eskaintza areagotu dezakeelakoan periferietan, finkatu gabeko inguruetan eta kostaldean; izan ere, alokairua pizteko, maisterrei zergak jartzearen eta ugazabak babestearen aldeko apustu argia egin beharko litzateke.
Arautegi berriak jasotzen duen beste nobedade bat da kontratua Jabetza Erregistroan sinatzea; hori eginez gero, ordaintzen ez bada, bizkortu egiten dira epe eta prozedura judizialak, eta, horrela, sano laburtzen da etxebizitza kentzeko prozesua.
Neurri hori, hala ere, labur geratzen da; izan ere, neurri horrekin batera behar beste langile jarri beharko liratekeelako, epe horiei aurre egiteko. Bestela, ondorio errealik gabeko neurria izango da.
Informazio gehiagorako:
