Kaosaren teoriaren arabera, “tximeleta baten hegoen hegazkada batek tsunami bat sorraraz dezake munduaren beste aldean”, eta are gehiago, gure planetan, hots, globalizatuta dagoen planeta batean, konplexuki loturikoa eta menpekoa den planeta batean.
Asaldura soil batek epe laburrera eta ertainera nahiko eragin handia sor badezake, zer pasatuko da hasierako indarra handia denean?
Oraintsu arte, etxebizitzen prezioak doitzen ari ziren, Euriborrak beste minimo historiko bat markatzen zuen, eta bankuak hasiak ziren sistemari berriz ere likidezia eskaintzen, eta orain, Greziaren asaldura iritsi da, eta iraultza ekarri du finantza-merkatuetara.
Bankuek, orain gutxi arte, eragotzi egiten zuten enpresa eta familientzako maileguen jarioa; orain, berriz, hasita zeuden atea pixkanaka irekitzen, ordaintzaile kaudimendunak bilatzeko eta interes finkoko hipotekak saltzeko.
Hipoteka horiek mauka dira bankuentzat: handitu egiten dituzte aldagaien onurak, hala nola interesak eta nahitaezko produktu elkartuak, eta, gainera, itzulketa-epe laburragoetarako diseinatzen dira, zenbateko txikiagoko maileguak dituztela.
Egun, Euriborra % 0,16an besterik ez da kokatu (nahiz eta, Erregistratzaileen estatistikaren arabera, hipoteka aldakorren batez besteko tasa % 2,70 den Euskadin http://www.garraioak.ejgv.euskadi.eus/informacion/estadistica-registral-inmobiliaria-2015/r41-ovse04/es/ ); hipoteka finkoetarako eskatzen ari diren interesak, berriz, % 2,05etik % 4,25erako tartean daude, itzulketa-epeen arabera.
Interes finkoko maileguak finantzazio-espazio baten lekua hartu du kontserbatzaileagoak diren familientzat, maniobra ekonomikoak egiteko tarte txikia dutenentzat, hau da, epe ertainera baldintza ekonomikoak askorik aldatuko ez dituztenentzat.
Hala ere, Greziak 1.481 puntuko arrisku-prima dauka (Alemaniaren aldean), eta negoziazio tirabiratsuak ditu Troikarekin, eta edozer gerta liteke.
Europar Batasunak (EB) irmo jarraitzen badu eta Greziarekin akordioren bat lortzen badu, EBko herrialdetako arrisku-primetara eta merkatuetara ere iritsiko da egonkortasuna, eta ez dira berriz gertatuko joan den astean burtsan izandako galerak (Espainiakoak mugimendu handiak sumatu ditu parkean, eta 8 puntu galdu ditu IBEXean, eta 60.000 milioi baino gehiago).
Baina inbertitzaileek konfiantzarik ez izateagatik euroguneko monetaren gainbehera gertatzen bada, erreferentzia-indize nagusia dela-eta, egoera ez da batere goxoa izango hipoteketarako, eta, ondorioz, zorpetuta dauden familientzat.
Izan ere, arrisku-primek gora egiten badute, igo egingo dira interesak, eta, ondorioz, horrenbesteko kezka sortzen duen Euriborra ere bai, zeinaren balioari eusten ari baitzaio egun Europako Banku Zentrala.
Beraz, badirudi hipoteka finkoa geratu egingo dela egoera ekonomiko ezegonkor honetan, non finantza-mendekotasuna oso den jasangaitza; hain jasangaitza non nahikoa izan daitekeen finkoa den zerbaiti heltzea (tasa bat izanda ere).
Informazio gehiago:
http://www.inmobiliaria-piquer.es/noticias/las-hipotecas-al-tipo-fijo-llegan-para-quedarse/
http://www.bde.es/bde/es/secciones/prensa/Agenda/Euribor_hipotec_77efe15dcde2e41.html
http://internacional.elpais.com/internacional/2015/07/08/actualidad/1436349854_528058.html
